Integrated Disease Surveillance Programme (IDSP) National Health Mission Health & Family Welfare Department, Mizoram chuan Covid-19 chungchangah mipuite Hriattirna hetiang hian a chhuah:-

Tûn hnaia India ram hmun thenkhata Covid-19 Variant JN.1, XFG leh LF.7.9 positive case hmuhchhuah a nih leh chungchângah mipuite lo chi-ai lo tûrin Sawrkar chuan a ngen a, tûn dinhmunah Covid-19 hri kaite hi na lutuk an awm loh avângin, in lamah enkawl an ni tlângpui. Covid-19 hrilêng chhui hna hi Integrated Disease Surveillance Programme (|DSP) leh Indian Council of Medical Research (1CMR) kaltlangin National Surveillance System chuan chhum lo chat lovin a la kalpui reng a ni.

Mizoramin Covid-19 positive kan neih hnuhnun ber chu October 2024 kha a ni a, kum kal ta 2024 chhûnga Mizoramin Covid-19 cases a neih zawng zawng chu mi 73 an ni a, nunna chân an awm lo a ni.

Tûnah hian Mizoramah Covid-19 hri kâi thar hi mi 2 (pahnih) hmuhchhuah an ni a, Zoram Medical College & Hospital, Falkâwnah enkawl mêk an ni a, ngaihtuahawm an ni lo.

Covid-19 chungchânga mipui hriat tûr pawimawhte:

Sahbon/Handwash hmangin Kut fai taka sil țhin tur a ni a, Hand Sanitizer hman thin bawk tûr a ni.

Hritlâng âwm nâ neite chuan Mask vuah tur a ni.

Natna benvawn, heng Cancer, Zunthlum, Thisen Sâng, Asthma, HIV etc veite, Nu Naupai leh Kum upa te fimkhur lehzual tur a ni a, a theih chuan puipunnaah kal loh hram tur a ni. Loh theih lova puipunna-a kal tûr te chuan Mask uluk taka vuah tur a ni.

Covid Symptom neite chu puipunna hmunah kal loh tur a ni a, midangte kan kai darh lohna tûrin mahni invên fimkhur tûr a ni.