MJA leh LDCA hruaituten Pialthlenga tuikhuah hnathawh mek an tlawh

08 Jan 2026: Vawiin chhun khan MJA Lunglei member-te leh Lunglei District Consumer Association (LDCA) hruaitute chuan Lunglei chawmtu Pialthlenga tuikhuah hnathawh mek an tlawh.

LDCA leh MJA-te hi tuikhuah hnathawktu Contractor H.S Construction Aizawl neitu leh PHE Lungleia an hotu thenkhatten an lo dawngsawng a, tuikhuah hna kal meka an hriat duh leh an ngaihmawh te Department hotute leh Contractor-te hi hrilhin, Lunglei khawpui tui harsat dan leh mamawhna a san zia te sawiin, Contractor pawhin zawh hun vawithum an pawh sei sak tawh bawk avangin zawh hun tura ruahman, kumin March thlaah zo ngei se an duh tih an sawi.

Contractor pawh hian an hnathawh dan chipchiar leh harsatna an tawh hrang hrangte sawi ve bawkin, kumin 2026 February thlaah chuan zawh hman ngei an beisei tih a sawi a. Hetihlai hian kum 2023 January thla atanga hna an thawh hnuah bill vawikhat chiah an la lak thu a sawi a, chak thei ang bera hnathawh kal zel an tum tih a sawi.

PHE lam hotute pawhin nikum anga tui lama harsatna Lunglei mipuiten an tawh loh nan theihtawp an chhuah thu leh Contractor pawh a rang lama tui khuap tling thuai tura an duh thu an sawi ve bawk.

Vawiina MJA Lungleiten an tlawh Lunglei Pialthlenga tuikhuah hnathawh mek hi AMRUT 2.0 hnuaiah Rs Vbch 4 chuang senga siam zawh tur niin, tui litre maktaduai 240 khuah tlin theihna tur a ni. Contractor hian Kum 2023 January thla atang khan hna thawk tanin zawh hun tura a zawh hman loh hnuah vawithum hun pawhsei sak a ni tawh a, hetiang anih avang hian hna chak zawka thawh anih a zawh hun tura ruahmanah hna hi zawh ngei anih an duh avanga MJA te hian helai hmun hi tlawh an ni.