24 Nov 2023: MJA, Dist Hqrs Lunglei chuan vawiin chhun dar 12:00 khan Lunglei Press Club-ah MJA member thar lakluhna inkhawm an buatsaih.
MJA member atana pawm thar Pu Chawngchhuana Chongthu, Editor Zonet JB lakluhna inkhawm, Pu Thanghmingliana Renthlei Vice President, MJA Dist Hqrs Lunglei kaihhruaiah Lunglei Dist MJA President Pu Laltlanthanga chuan, Pu Chawngchhuana Chongthu, Editor Zonet JB chu Mizoram Journalist Association Member atan lawm takin a lawmlut tih sawiin, tunlai Social Media chak tak karah MJA member thar an awm belh zel chu lawmawm a tih thu a sawi.
Pu Chawngchhuana Chongthu pawhin thu sawiin, MJA member nih chu thil awlai lo tak anih laia member atana pawm a lo ni ve ta chu thinlung taka a lawmthu leh MJA hmalakna kawng hrang hrangah leh Chanchinthar hmanga mipui leh sawrkar rawngbawlna kawngah theihtawp chhuah zel a tum thu a sawi.
He hun hmanpuitu Lunglei District IPRO Pu N.Vabeiratlua, MIS, Pu H.Lalthansanga, MJA Senior member leh Pu Chawngchhuana tawiawmtu thenkhatte pawhin thu an sawi a ni.
Member thar lawmluhna inkhawmah hian Lungleia MJA member-te, DIPRO leh Staff te bakah mipawimawh tak takte an tel a ni. (Kimchang zawkin Nov 24, 2023-ah. –Editor)
