MNF Candidate Dr R. Lalthangliana thlan tlin a ni

14 Nov 2025: Dampa Assembly by-election ah MNF Candidate Dr R. Lalthangliana thlan tlin a ni.

Dampa by-election a vote tla vawiina chhiarah Postal Ballot leh Round nga (5) chhiar zawh a ni tawh a, MNF Candidate Dr R. Lalthangliana’n vote hmu sang berin vote 6,981 a hmu a, Amah hnaih bertu rorel lai ZPM candidate Pu Vanlalsailova nena an inthlauhna hi vote 562 a ni.

Dampa Assembly by-election tluang taka neih zawh anih tawh hnuah tukin dar 8:00 atang khan vote tla chhiar tan a ni a, MNF Candidate Dr R.Lalthangliana’n vote 6,981 a hmu, ZPM Candidate Pu Vanlalsailova’n dawtin vote 6,419 a hmu a, Indian National Congress Candidate Pu John Rotluangliana’n vote 2,394 hmuin BJP Candidate Pu Lalhmingthanga’n vote 1,541 a hmu a, PC Candidate Zahminga’n vote 49 a hmu a ni.

Dampa by-election inthlan hi November ni 11 khan neih a ni a, vawiinah vote chhiar niin MNF Candidate Dr R.Lalthangliana thlan tlin a ni a, heti hian MNF in MLA 10 an nei dawn a, Rorel lai party ZPM chuan MLA 27 neiin BJP in MLA 2 an nei a, Indian National Congress in MLA pakhat an nei a ni. (AIR)