MNF President-in police sâng chuang vote thlak thei lova siam an ni chu sorkar inthlahdah vang a ni, a ti
07 June 2024: MNF President Pu Zoramthanga chuan tun MP inthlana police sâng chuang vote thlak thei lova siam an ni chu sorkar inthlahdah vang liau liau a ni, a ti.
He thu hi nimina an party pisa Mizo Hnam Runa AMC ward number 19-naa by-election neih tura an party candidate puannaah MNF President hian a sawi a. Tun MP inthlana vote tla a ṭhat theihna tura mipui zirtir nan sorkarin Rs Nuai 58 chuang a seng a ti a. Hetihlai hian police sâng chuang vote thlak thei lova siam an ni leh si tih sawiin hei hi a vanduaithlak hle a, sorkar inthlahdah vang liau liau a ni, a ti.
Pu Zoramthanga chuan MP thlan chungchang sawiin, Pathianin an party chu thukru rih a, inpuhmawhna zawng lova Pathian remruat a pawm a, Pathianin eng nge an party a hrilh a, zirtir a tum tih chhut zawk turin an party mi te a fuih bawk a ni.
