16 June 2025: Vawiin chawhnu dar 1:00 khan Mizo Hnam Run Lunglei Treasurer chamber-ah kum 2025-26 atana MNF Sub Headquarters Lunglei Vigilance Committee din thar chuan meeting hmasa ber an nei.
Vigilance Department meeting chuan, ZPM sawrkar mekna hnuaiah mipui leh ramin chanvo dik tak a hmuh leh dawnah a nih tur ang taka engkim a awm/kal theih nan vigilance department MNF Sub Hqrs Lunglei chuan ram mipuite tan theih tawp an chhuah dawn, an ti a. He sawrkar, MLA, Minister, Councillor, an party hruaitute leh hnathawktute reng rengin dik tak leh tha taka hna an thawh theih nan duhsakna an hlan a. Hna an hmuhte an hmuh dan angin an thawk em tih hi Lunglei District a MNF Block/Group/ Unit hruaitute leh MNF VC te chu lo en zel tura ngen leh hriattir an nih thu sawiin, Mahni khua/veng ram chhunga sawrkar kut thawhna ang chi a lungawi lohna, duhthusam lohna nei chuan MNF Sub Hqrs Lunglei Vigilance Department-ah rang taka hrilh hre turin an ngen tih an sawi a ni.
