MP Pu K.Vanlalvena’n Sairang Rel Station a tlawh

16 Sept 2025: Rajya Sabha MP Pu K.Vanlalvena chuan vawiin khan Sairang Rel Station tlawhin Rel Service chu changtlung zawka kalpui tur leh mipuiin an chhawr tangkai theihna tura theihtawp chhuah turin thawktute a ngen.

Pu K.Vanlalvena hian tuna Rel Service mek Sairanga atanga Guwahati kal leh Sairang atanga Kolkata kal leh Sairang atanga Delhi chu awm mahse hei aia tam awm belh se an duh thu station thuneitute a sawipui a, mipui mamawh phuhruk nan Sairang atanga Silchar kal chu nitin lehlang awm thin se a duh thu sawiin, Railway thuneitute pawhin awm an tih thu an lo sawi a, Guwahati-a North East Frontier Railways General Manager sawipui tura an lo ngenna chu Pu Vena chuan lo bawhzuipui a tum thu a hrilh nghal bawk.

Rajya Sabha MP hian Sairanga Rel service hi Diesel Train ala ni rih chu electric train a nih vat theih nana chak taka hma la tura hrilhin thla 6 chhunga peih hman an tum thu an sawi bawk.

Prime Minister Narendra Modi-a’n September ni 13-a a hawn tak Mizoram atanga Rel Service hi tun dinhmunah 3 a awm mek a, Union Railway Minister Ashwini Vaishnaw sawi danin bungraw phur rel a awm nghal dawn bakah hetah hian Refrigerated coach pawh a awm dawn a ni. (AIR)