MPYCC-te’n Mizo nula Dubaia awmpui hnathawk tura kalten buaina an tawh chungchangah hma la turin CM an ngen
April 29, 2024: Mizoram Pradesh Youth Congress Committee (MPYCC)-te’n Chief Minister Pu Lalduhoma a pisa-ah hmuin Mizo nula Dubaia awmpui hnathawk tura kalten buaina an tawh chungchang thu kal zelah dan leh thupek felfai tak a awm theihnana hma la turin an ngen.
MPYCC-te hian Indian Consulate-in General Director of Residency & Foreigner’s Affairs UAE hnenah thupek siamin India mi tupawh UAE leh a chheh vela Housemaid tura kal tur reng reng Airport Immigration-ah lo Block vek turin a lo hriattir tawh avanga awmpui hnathawkte’n harsatna an tawh chungchang te, Ministry of Overseas Indian Affairs hnuaia Protector of Immigrants hnenah Registration tih a ngaih chungchangte an sawi a. Private Agency-te’n an mi tirhte an him leh himloh bakah an harsatna tawhte an hre vek tur anih laiin Mizoram atanga hetianga an thawnte hi ngaihsak zui an ni lo tihte Pu Lalduhoma hi an hrilh.
Hei bakah hian Employment Contract nei lova ram pawna an lo inthawn ve tawp thin chu dan phal loh, Human Trafficking diktak niin hremna a nep lo tih te an sawi a. Chief Minister Pu Lalduhoma leh Home Minister te hnena buaina tawkte harsatna chin fel tum lo va thil dik lo titute hum tum leh an thlavang hauh zawnga Assembly House-ah thu a sawi leh, Chief Minister Pu Lalduhoma leh Home Minister Pu K.Sapdanga te hnenah an buaina chin fel sak tura an ngen chunga an buaina chin fel sak an tum lo ni a sawiin heng buaina tawk te leh a lo buaipuitute hi zangnadawmna pe turin an phut tih an sawi a ni. (DD)
