MSU Lunglei chuan Lunglei atanga MCS, MPS leh MF&AS tling tharte chawimawina hun an buatsaih
07 May 2025: MSU Regional Hqrs Lunglei chuan Combined Competitive Examination a Lunglei atanga tling tharte chawimawina hun vawiin chawhma dar 11:00 khan Lunglei Press Club-ah an hmang.
Chawimawina inkhawm Roluahpuia Vice President, MSU Regional Hqrs Lunglei kaihhruaiah Khuallian Pu J.Lalmuankima MPS, S.P Lunglei chuan chawimawi takte chu Mizoram tana thawk tur an ni tih an hriat reng a pawimawh tiin, kan hnathawhna turah Sawrkarin a chawm Missionary kan ni tih kan hre reng tur a ni a ti. Intih lal a ngai lo, kan hniam poh leh miten min nel a, kan intih lal poh leh miten min ngaisang lo tih hriat a pawimawh hle; Pu Muantea chuan a ti.
Kan hna kan thawhpui ten min kep fo ai chuan, khawtlang leh kohhranah inhman loh ngam pawh a tha zawk tih hre reng turin a chah bawk.
MSU Regional Hqrs President Lalthangliana chuan hetiang hun buatsaih a nih chhan chu chawimawi tlakte chawimawi a nih bakah midangte cho chhuahna atan a ni, a ti.
Chawimawite atangin Zodinsanga Khiangte MPS a tling thar bakah C.Ramdinpuii leh Lalhriatpuii Putin chhungte’n lawmthu an sawi bawk a ni.
awiina MSU Regional Hqrs Lunglei ten chawimawina an hlan te hi, Lalhriatpuii Phutin MCS D/o P.Lalrinmawia Serkawn, Zodinsanga Khiangte, MPS, S/o Dr. K.Lalsanga Chanmari, leh C.Ramdinpuii Zorem, MF & AS D/o C.Zorema (L) Serkawn te niin, chawimawina thuziak leh MSU Sash an hlan a ni.
