12 July 2025: Mizo Upa Pawl (MUP) Hqrs Lunglei chuan vawiinah an kum 50 tlinna Golden Jubilee an lawm.
MUP Hqrs Golden Jubilee lawmna inkhawm hi Saikuti Hall-ah hman niin Pu B.Lalchungnunga President-in a kaihruai a ni. Saikuti Hall-a hun hman hma hian MUP Office bula Golden Jubilee lungphun chu chu khuallian Pu K.Lalrinawma LMC, Vice Chairman-in a hawng a, Revd.Dr.C.L Hminga’n Pathian hnena tawngtaina a hman zawhah Golden Jubilee lawmna Darkhuang a vaw hmasa ber bawk.
Vawiina MUP Hqrs Golden Jubilee lawmna inkhawmah hian thusawi bakah report hrang hrang ngaihthlak niin Pu CL.Joseph, DSWO-in Golden Jubilee Souvenir a tlangzarh a, kum upa zualte chawimawina hlan niin zaithiam zai ngaihthlak bakah hnam lam te entir a ni.
