07 Feb 2024: Nizan Dar 7:00 khan MZP Headquarters, Lunglei chuan Zonet JB Studio, Lungleiah Mizoram Public Service Commission-in Junior Grade of Mizoram Civil Service (MCS) Combined Competitive Exam 2023-a buatsaih a Lunglei District atanga hlawhtlinna chang Lalhlimpuii Pachuau d/o Lalsawia Pachuau Venglai, leh Dr. Marilyn Lalruatkimi d/o Lalsanga (L) Ramthar, Lungleite chawimawina hun an hmang.
He hun hi H.Zothanpuia Joint Secretary MZP Hqrs Lungleiin kaihruaiin, Pu Lalramliana Papuia, MLA Lunglei South Constituency chuan khuallian niin a hmanpui.
Khuallian Pu Lalramliana Papuia chuan hlawhtlinna changte a lawmpui zia sawiin, hlawhtlinna petu Pathian hrereng turin a chah a. Nasa taka bei a tumruhna nena sual chhuah hlawhtlinna chu a lawmawm ber thu a sawi.
Lalpeksanga Chenkual, President MZP Hqrs Lunglei chuan, hlawhtlinna chang te an thawhrim rah thinlung taka a lawmpui zia sawiin, an theihna leh an thiamna te ram leh hnam tan, Mizoram-in hma a sawn theih nan hmang ngei tura a duh thu a sawi. MZP chuan Lalhlimpuii Pachuau Venglai leh Dr. Marilyn Lalruatkimi Ramthar te chawimawina citation leh lawmpuina Rs.2000/- ve ve an pe a ni.
