09 March 2024: Mizo Zirlai Pawl (MZP) chuan, Mizoram Board of School Education (MBSE) hnuaia HSLC exam neih mek a Social Science leh Subject danga question chungchang sawi hlawh tak a awm chu pawi a tiin a ngai thutak hle tih sawiin; a ṭul anga enzuia hmalak a tum tih thuchhuahah an tarlang.
HSLC exam a Social Studies (SS) subject leh subject danga question pattern felhlel awm leh question hre lawk an awm anga sawi tur a awm hi MZP chuan tha a ti lo takzet a. Zirlai naupang rilru thianghlimte’n zirna kawnga inelna thianghlim an neih mek laia an rilru tihnual thei hetiang thil thleng hi chhui chhuaka, hma la vat turin MZP chuan MBSE hotute a ngen tih an sawi.
MZP chuan, HSLC exam mek zirlai tam zawkte rilru hnualna chu a rang thei ang bera chingfel a, a tul anga hma la vat tur leh MBSE zahawmna humhim zel turin MBSE thuneitute a ngen tih an sawi bawk. (AIR)
