Nationalism vawng nung zel turin sawm

Vawiin, Ni 12 Jan 2026 (Mon) chhun khan kum 2026 atana Mizo hnam run Lunglei hawnna hun hman a ni a, Pu H.Lalremruata, Treasurer, MNF Sub-hqrs. Lunglei chuan kaihruaiin, martar-te sunna hun hman a ni.

Hunserh hmangtu – Rev. Michael Lalchhuanawma, PCI, Bazar bial, Lunglei chuan Party worker kal khawmte chu, Pathian min pek kan ram hmangaih taka Pathian duh dana enkawl tur leh chumi atana theihtawp chhuah thar turin a sawm a ni.

Thusawitu, Pu Vanlalhmuaka, President, MNF Sub-hqrs. Lunglei chuan kalkhawmte kum thar chibai bukin, nationalism chawi nung thar zel turin party worker-te chu a sawm a ni.

Pu Hmuaka chuan, Mizo nationalism tihchhiat tumtu mi tam tak an lo chhuah tawh thu sawiin, rambuai laia khaw sawi khawm leh harsatna hrang hrang min thlentute bakah party chhungah ‘A dum pawl’ an lo awm thu sawiin, chung mite chuan vawiin thlengin social media leh chanchinbu kaltlangin min la bei reng a ni, a ti a. Eng anga nasa pawhin beih tawk mahse hneh theih a ni ngai lo tiin, vawiin thlengin MNF party chu party ziding nghet ber leh member ngah ber an nih thu sawiin; thiamna, hausakna leh duhamna hmanga hneh theih loh NATIONALISM chu chawi nung a, vawng nung zel turin party worker kalkhawmte chu a sawm a ni.