17 May 2025: Nimin khan Superintendent of Police, Lunglei leh District Child Protection Officer, Lunglei te tangkawp buatsaihin ‘Workshop on Child Related Laws’ SP Office Conference Hall, Lungleiah neih a ni.
He hunah hian Observation Home, KK Boys Home, BCM Orphanage Home, Special Home, Bethel Center leh Lunglei khawpui chhunga Police Officer te, District Child Protection Officer staff, Child Welfare Committee staff, Juvenile Justice Board staff te an kalkhawm a ni.
He hun hi Pu J.Lalmuankima, MPS Superintendent of Police, Lungleiin kaihruaiin, Pu K.Beihmotaosa, Addl.Superintendent of Police, Lunglei chuan Child Related Laws behchhana Lunglei District chhunga case awm tawh te tawi kim takin report a pe a ni.
He workshop-ah hian naupang chunga hleilenna thleng thin chungchang leh naupang dan kalha che thin te enkawl dan leh case chhuizuina kawngah Police, JB leh CWC te tanrualna tha lehzual nei a, hmasawn dan turte sawiho niin zawhna leh chhanna hun te hman a ni a, kalkhawmten zawng chhang thlak an ti hle.
Pi Lalrinkimi Hmar District Child Protection Officer, Lungleiin khaikhawmin, hun hi a ti tawp a ni.
