NCC Mizoram Group Headquarters din chungchang sawiho

13 Nov 2025: Vawiin khan Chief Minister Pu Lalduhoma hovin a office-ah NCC Mizoram Group Headquarters din tura hmalak mek chungchang sawihona neih a ni a, Pu Lalnghinglova Hmar, Minister, Sports and Youth Services leh official pawimawhte an tel.

Mizoramah hian NCC Unit 4 leh Cadets 8000 an awm mek a. Silchar Group Headquarters atanga enkawl thin an ni. Kumin July thla khan NCC thuneitu sangin Mizoram Group Headquarters hi Mizoramah ngei awm tawh se an tih angin Mizoram sorkar Council of Ministers chuan September thlaah kha a pawmpui a. Tunah hian inbunna hmunhma leh an mamawhte ngaihtuah mek a ni.

NCC kalphungah Unit zawng zawng hi NCC suma an enkawl a ni a, Group Headquarters erawh hi chu an awmna state sorkarin a ngaihtuah ve thung a ni. (DIPR)