27 Aug 2025: Lunglei D.C Pi Navneet Mann, IAS ruahmanna angin vawiin khan D.C Office Lungleiah Nikhat atan D.C, ” Be a D.C for a Day” Programme hman a ni.
Vawiina nikhat D.C Programme hmannaah hian Lunglei khawpui chhunga Sawrkar Department hrang hrangten zirlai naupang thlan bik paruk nikhat D.C anga awm te hnenah hian an Department hmalakna te D.C Conference Hall-ah an hrilh fiah a. Zirlai naupangte hi Lunglei D.C Office Chamber-ah D.C Seat-ah inthut chhawk lehin, Chanchinbumi te an hmachhawn leh a Chanchinbumi ten D.C an nihna anga Lunglei Dist hmasawnna tur kawng hrang hrang an zawhna te chu an inchhan chhawk a ni.
Chanchinbumi te an hmachhawn zawh hian ‘site visit’ neihpui niin, Damdawi In leh sawrkar hmalakna thenkhat kal mekte enpui an ni.
Vawiin tlailam dar 3:00-a Lunglei D.C Pi Navneet Mann, IAS-in YMA Sub Hqrs hruaitute meeting a neihpuina turah an tel bawk ang.
Vawiina Lunglei D.C buatsaih “Be a D.C for a Day” hi Mizoramah a vawikhatna niin; India ram hmun dangah chuan lo ti tawh thin pawh an awm a ni.
Hetiang hun buatsaih anih chhan hi zirlai naupangte’n Civil Service nih chakna leh nih duhna rilru an neih nan, zirlaite hmakhua thlira buatsaih a ni.
