02 Sept 2025: Lunglei Police-te chuan August 2025 chhung khan pawi khawihna hrang hrangah thubuai 17 ziak lutin thubuai kaihhnawihah mi 20 an man.
Lunglei Police te hian August thla liamta khan Rakzu litre 129, tualchhung hralhna rate a Rs 64,500 man hu, Heroin No 4 Gram 531.38 tualchhung hralhna anga Rs 15,64,140 man hu, Sap Zu um puitling 86, tualchhung hralhna rate a Rs 2,38,000 leh Beer Can 36 tualchhung hralhna rate a Rs 36,000 hu an man bawk.
Lunglei Traffic Police-te chuan August 2025 chhung vek khan lirthei khalhtu dan bawhchhiate hnen atanga sum an chawi tir zat chu Rs 1,44,500 a ni a, dan bawhchhia sum an chawi tirte hi HMV 23 atangin Rs 44,500, MMV 2 atangin 3,000 LMV – 52 atangin Rs 46,500, Three Wheeler – 4 atangin Rs 2,000, Two Whèeler – 55 atangin Rs 48,500 chawi tir an ni.
Dan bawhchhia te hi a tam ber chu document fel lo leh license nei lo va lirthei khalhte an nih bakah lirthei dah phal lohna hmuna dahte leh helmet khum phal loh khumte an ni.
