Online IAS Coaching zir thei tura thlanchhuah Mizo zirlaite kawm

28th July, 2026: Vawiin khan Higher & Technical Education Minister Dr Vanlalthlana pisaah a thlawna online IAS Coaching zir thei tura thlanchhuah Mizo zirlai mi 15-te kawmna hun hman a ni.
 
Higher & Technical Education Minister Dr. Vanlalthlana chuan Mizo zirlaite tana a thlawna IAS online coaching kum 2 chhung atana buatsaih a ni hi Higher & Technical Education Department hotute thahnemngaihna te, Mizo thalaite tana Pu Arun Balgotra, IPS inpekna te leh Shankar IAS Academy-te thilphalna vang a ni, tiin lawmthu  a sawi a ni. 
 
Pu Arun Balgotra, IPS, SDPO Aizawl North, chuan Mizo thalaiten a thlawna IAS Coaching an kal theihna turin­­ Shankar IAS Academy, Chennai te leh Mizoram Sawrkarin thawhhona an neih theih nan hma a la a. Vawiin inkawmhona hunah hian  fuihna thu a sawi a ni.
 
He inkawmhona hunah hian Higher & Technical Education Director Pu Laltanpuia leh mi pawimawh dangte an tel. (DIPR)