Operation Zawlbuk neiin,Ruihhlo Do Kawngzawh buatsaih dawn

28 Sept 2026: Vawiin chawhnu dar 12:30 khan YMA Sub Hqrs Lunglei hruaitute leh MJA Lunglei member-te YMA Sub Hqrs Office-ah an inkawm.

YMA Sub Hqrs Lunglei President Pu K.Lalfakzuala kaihhruai inkawmhonaah hian Inrinni liamta September ni 26.2026 a ruihhlo dona kal zela Operation Zawlbuk an neih dan leh Ruihhlo donna kawnga an hmalakna turte MJA member-te hi hrilhin; thawhho puiah an sawm a ni.

YMA Sub-Headquarters Lunglei chuan Dt.26.09.2026 (Inrinni) khan YMA Kumpuan Ruihhlo Do kalpui mekah ‘Operation Zawlbuk’ an buatsaih a. Lunglei Khawpui chhung YMA Branch 21 te leh Excise and Narcotics Department-te he beihpuiah hian an che chhuak a ni.

Operation Zawlbuk neihah hian YMA Duty ten hmun hrang hrang atangin Khawm Case hmangin mi 33 te YMA Office Venglai Lungleiah hruai niin heng zinga mi 13 te chu kum
tlinglo niin inzuar thin mi 5 lai mai khawm tel an ni. Heng khawm case hmanga hruaikhawm zinga 30 te hian ruihhlo tih thin nei vek an ni a. An ni bakah hian Ruihhlo Zuar mi pariat (8)
man niin Operation Zawlbuk hmanga Khawm Case leh Ruihhlo Zuar/Vawrh man te hi an vaiin mi 41 niin an ruihhlo zawrhte laksak niin Khawm Case a hruaite leh ruihhlo zuarte hi
Counselling pek vek an ni bawk.

Operation Zawlbuk hmang hian Ruhhlo chi hrang hrang Zu fun-123, Royal Stag- um 1, Beer Can 31, Alprazolam mum 75 leh Ganja te a ni.

Operation Zawlbukah hian YMA Sub-Hqrs Lunglei atangin Team pali – OB, SEC Member, Kumpuan Committee, SADS Ileh Branch aiawh mi pahnih theuhte telna insiamin Lunglei Khawpui chhung Branch hrang hrang tlawh anih bakah YMA Branch-te’n an huam chhungah hnatlang hi nei bawkin Dt.26.09.2026 (Inrinni) chawhnu dar 3:00 PM atanga
Zan Dar 12:00 AM thleng ‘Ruihho Do’ hnatlang hi kalpui a ni.

Central YMA ruahmanna a siam angin, YMA Sub-Headquarters Lunglei pawhin Kohhran hrang hrang hruaitu leh NGOs, Local Council hruaitute bakah District Education Officer-te thawhpuia sawmin, Ruihhlo Do Kawngzawh, Dt.02.10.2026
(Zirtawpni) hian Lunglei Khawpuiah a buatsaih dawn.

Kawngzawh hi Chhim lam AOC, Ramthar atangin zawh tanin, Hmar lamah Kikawn, BazarVeng atanga zawh tanin, MIZOFED kawtah intawhkhawm a ni ang.