Anti-Ragging Committee leh Squad din

09 Sept 2026: Vawiin khan Serchhip District Bawrhsap Pu Paul L. Khuma hovin District Level Anti-Ragging Committee meeting neih a ni.

Zirlaite zinga intihduhdahna thleng thin, rilru leh taksa intihnat sakna (ragging/bullying) thleng thin laka an him theihna tura hmalak dan tur hrang hrangte sawi ho niin, ruahmanna siam a ni.

Tun dinhmunah Serchhip district chhunga school zawng zawngah Anti-Ragging Committee leh Squad din a nih tawh thu District Education Officer chuan a sawi.

Vawiin meeting-ah hian zirlaite’n admission tih laiin ragging an ti dawn lo tih intiamna “Anti-Ragging Bond” an ziah dan tur te, ragging/bullying tawkte’n awlsam zawka an complaint theih dan tur te, Institution tin ten Anti-Ragging Report mumal taka an vawn dan tur te, dan bawhchhiate chunga hremna kalpui dan tur chungchangte sawi ho a ni.

Venhimna leh inzirtirnate nei turin police-ten thla tin school an tlawh/vil (patrol) thin dawn a; awareness leh counseling session hrang hrangte buatsaih thin a ni bawk dawn a ni.

Vawiin vek khan Ragging chungchanga School tinte hriattur pawimawh inkawhhmuhna leh Criminal offence/intimidation a nih theih dante inzirtirna tur module siam turin Additional Deputy Commissioner Pi Dorothy Muansangi kaihhruai Drafting Committee din nghal a ni bawk.

Vawiin meeting-ah hian Serchhip District Superintendent of Police Pu Dhirendra Pratap Singh bakah DEO leh School hrang hrang Headmaster/Principal te, Govt. Serchhip College zirtirtu leh SU hruaitu te, DIPRO, CDPO leh khawtlang hruaitu YMA leh MHIP te an tel a ni