ATL road-ah Lunglei Circle chan chin package 6-ah then

20th July 2026: Vawiin khan ZPM Southern Hqrs, Lunglei chuan Party Office, Venglai Lungleiah chhung inkhawm leh Poitical Session hun hmangin Pu C. Fakzuala Sr. Vice President ZPM Southern Hqrs chuan inkhawm a kaihruai a, Rev. V. Lalzarliana Chanmari Pastor bial BCM, Lunglei chuan Hunserh hmangin Pu T. Lalhlimpuia MLA Lunglei South chuan Political Session hunah thu a sawi.

Pu T. Lalhlimpuia MLA, Lunglei West chuan PWD Minister puitu tur a Sorkar in a ruat angin Lunglei kawngpui hnathawh kal lai mek chungchang sawi langin, MPWD Lunglei Circle hnuaiah hian Ch: 100.00 Km (Kanghmun South) atanga Ch: 164.00 Kmp (AOC Ramthar Lunglei) thleng, avaiin 64.00 Kms enkawl a ni a ti a. Aizawl – Thenzawl – Lunglei road (ATL Road) Lunglei Circle chan chin hi package ruk (6) ah then a ni a ti a. Package tinte dinhmun a tarlang:-

1. Aizawl – Thenzawl – Lunglei Road (Between Ch: 100.00 – 115.00 Km) (Kanghmun South atanga Sekhum Dai inkar)
DPR/Project Amount: Rs 50.08 Cr
Status of Allocation: Sanction hmabak a ni
Status of Work: Sanction nghah a nih avangin hna tan a la ni lo.

2. Aizawl – Thenzawl – Lunglei Road (Between Ch : 115.00 – 129.22 Km)
(Sekhum Dai atanga Haulawng Dai bawlhlawh paihna inkar)
DPR/Project Amount: Rs 35.31 Cr
Status of Allocation: Fund allocate tawh a ni
Status of Work: Tender tura hmalak mek a ni.

3. Aizawl – Thenzawl – Lunglei Road (Between Ch : 129.22 – 134.22 Km)
(Haulawng Dai bawlhlawh paihna atanga Mausen Dai inkar)
DPR/Project Amount: Rs 10.83 Cr
Status of Allocation: Fund allocate tawh a ni
Status of Work: He hna thawk tur hian SLT Infracon Pvt. Ltd. thlan an ni a, hna tan tawh niin, bungrua chhek khawl mek a ni.

4. Aizawl – Thenzawl – Lunglei Road (Between Ch : 134.22 – 143.85 Km) (Mausen Dai atanga Tlawng Bridge inkar)
DPR/Project Amount: Rs 22.40 Cr
Status of Work: Fund allocate tawh a ni a, a hna thawk turin SLT Infracon Pvt. Ltd. thlan an ni a, an ni hian hna an thawk tan tawh a, tun dinhmunah hna hi 16% vel thawh zawh tawh a ni.

5. Aizawl – Thenzawl – Lunglei Road (Between Ch : 143.85 – 152.00 Km)
(Tlawng Bridge atanga Pukpui Dai inkar)
DPR/Project Amount: Rs 23.48 Cr
Status of Work: Fund allocate tawh a ni a, a hna thawk turin SLT Infracon Pvt. Ltd. thlan an ni a, an ni hian hna an thawk tan tawh a, tun dinhmunah hna hi 54% vel thawh zawh tawh a ni.

6. Aizawl – Thenzawl – Lunglei Road (Between Ch : 152.00 – 164.00 Km)
(Pukpui Dai atanga AOC Ramthar Lunglei inkar) DPR/Project Amount: Rs 12.85 Cr
Status of Work: Fund allocate tawh a ni a, a hna thawk turin SLT Infracon Pvt. Ltd. thlan an ni a, an ni hian hna an thawk tan tawh a, tun dinhmunah hna hi 25% vel thawh zawh tawh anih thu Pu Mahlima MLA chuan a tarlang a ni.

Furpui hunlai a ni a, bituminous work khawih a hun tawh rih lo va, amaherawhchu working season intan leh veleh hna hi chak taka kalpui leh tur anih thu pawh sawiin, bituminous work khawih theih loh mahsela concrete work theih ang anga khawih tho a nih rualin, Zawngekkham quarry atanga lung lak reng a nih bakah, WBM material turte leh a dangte crusher hmangin her mek zel a ni tiin, Package li (4) hna tan tawh te khi March 2027 a zawh hman vek tura ruahhman anih thu a sawi bawk.