Buh thlei leh Puan bih dan zirtir

14 Aug 2026: MHIP General Hqrs thuchhuak bawhzui a, MHIP Sub Hqrs Lunglei Committee Meeting a rel, MHIP Town Branch zawng zawngin an branch chhunga zirna in zawng zawng- Middle School atanga College thlengin, August 15 2026 ral hma ngeia thalai hmeichhe naupang zawkte thleng pawhin, Buh thlei leh Puan bih dan inzirtirna hun buatsaih ni rawhse, a tih chu hmalakna kalpui a ni.

Vawiin khan MHIP Ramthar Venthlang Branch chuan Buh thlei leh Puan bih inzirtirna hun hi buatsaihin, Branch huamchhunga zirna in pathum- Ramthar Gov’t High School, Gov’t Ramthar Primary School leh Gov’t K.T Primary School ah te zirtirna hun hman a ni. MHIP Ramthar Venthlang Branch chuan zirtirna an pekte’n an hlawkpui viau niin an sawi.

Town Branch-te hian an mahni remchan anga insiam remin zirtirna hun hi buatsaih thin a ni a, hriattheih chinah Lunglei a Branch -13, Farm Veng, Salem, Lunglawn, Zotlang, Electric, Hrangchalkawn, College Veng, Bazar veng, Lungpuizawl, Venglai, Serkawn, Zohnuai leh Theiriat te chuan Buh thlei leh Puan bih dan inzirtirna hi an zo fel tawh a ni.

Buh thlei leh Puan bih dan inzirtirna hmalakna neih chungchangah hian MHIP chuan, tunlai kan Mizo hmeichhia tam zawkte ah, thiamlo hmuh tur an tam tawh lutuk avangin, nula, tleirawl leh naupang thlenga inzirtirna pek chu a tul tawh nia ngaiin, hetianga hmalakna hi kalpui anih thu an sawi.