CM Pu Lalduhoma’n Ministry of Petroleum & Natural Gas hotute a kawm

08 Oct 2026: Vawiin khan Chief Minister Pu Lalduhoma chuan a office-ah Ministry of Petroleum & Natural Gas hotute, Pu Sohban Pathak, Additional Director General leh Hydrocarbon hotute, ONGC leh Indradanush Gas Grid Limited hotute a kawm.

ONGC ten Meidum/Hortoki Oil & Gas Exploration Block-a hna an thawh Regularization & Extension chungchang te, Oil India Ltd. (OIL) ten Mizoram lailia Oil & Gas exploration an kalpuina Thiltlang- Pangzawl hmuna gas lo chhuahna hmuna exploratory well 5-na tur verh dan tur te an sawi a.  IGGL ten Panisagar, Tripura ațanga Receiving Terminal -Sihhmui, Sairang thlenga gas pipeline, 12 inches diameter an phum mek chungchanga harsatna an tawhte leh chak zawka hma an lak dan turte an sawi bawk.

Central Ministry atanga lokal te leh ONGC leh OIL ten Mizoram tana oil & gas zawn hna chak zawk leh zau zawka hmalak dan tur a an ruahmanna leh hmathlirte pawh an sawi a. Mizoram chhim lama Open Acreage Licencing Policy (OAPL) regime hnuaia exploration block thar hawn a nih theih nana ONGC leh OIL ten Expression of Interest (EoI) an thehluh thuai dan turte pawh an sawi tel a ni.