LMC Vice Chairman-in H.Ramdinpuii a ral

22 Aug 2026: Pu K.Lalrinawma, LMC Vice Chairman chuan Mualthuam North-ah H.Ramdinpuii a ral.

Pu Awmtea chuan Dindini nu leh pa chhungte tawrhna chu Lunglei mipui leh Mizoram mipuite’n an tawrhpui takzet tih sawiin, Pu Opa-te chhungin an chunga thil thleng chungchanga an nunphung lantir dan chu ropui a tih thu leh Mualthuam mipuite; thil tha chhuak tura an insumna chu khawdang leh veng dangte entawn tlak a ni, a ti.

He chhiat tawhna hi sorkar-in a hriat tirh atanga theihtawp chhuahin a buaipui nghala, Mizoram Police te chet dan chu a smart takzeta, Lunglei SP leh a team te fak tlak an ni a ti.

Pu Awmtea chuan hetiang thil thleng duhawm lo tak a thlen changin thil tha zawk chhuak tur ni si lova, haw haw leh inrikrapna lam zawnga chetna a thleng thin, chutih rualin Mualthuam mipuiten boruak tha tak an lan tir tluan tih a sawia, social media lama demna lo chhuak chu a taka hrechiangtuten an khaw entawn tlakna an hmu tih a sawi bawk.

He chhiat tawh chungchanga Mualthuam khawtlang fakawm a tih rualin, SYMA Lunglei leh MHIP Sub.Hqrs Lunglei te chet lak dan pawh a mawiin a tha takzet a ti bawk.

He hunah hian Rev. R.Zohmingliana’n tawngtaina leh fuihna thu sawiin, Mualthuam VC, NGO hruaitute leh khawtlang nu leh pa an tel a ni.