March 2027 chhungin Lunglei – Sekhum inkar zawh fel beisei

10 Aug 2026: Vawiin dar 11:00 Am khan ZPM Southern Hqrs. Lunglei chuan Chhung Inkhawm Party Office Venglai, Lungleiah neiin, Pu Lalthangliana Sailo, Treasurer, Lunglei West Block I chuan a kaihruaia, Pu MS Dawngliana Pachuau, Lunglei West bialtu MLA P.A. chuan hunserh a hmang.

He hun hmanpuitu Pu Lalmuanpuia Poonte MLA, Adviser to CM chuan Political Session-ah thusawiin, ATL road siam hna thawh mek chu March 2027 chhung hi chuan Lunglei to Sekhum inkar chu zawh fel vek PWD hotuten an beisei thu a sawi lang a. Thenzawl atanga chhim lam zawngin kan ngaih pawimawh em em ATL road hi a tha thei ang berin kan siam mek a, kan siam chhunzawm zel dawn bawka nghakhlel taka thlirtu mipuite kan ti beidawng dawn lo a ti.

September thla lo awm tur chawhnu hian ZPM Party Assembly neih a ni dawn tih sawiin hruaitu inthlan hun a ni a, boruak tang tak hnuaia inthlan a rinawm loh thu leh General Hqrs. hruaitu tha tak tak inlungrual taka kan thlanchhuah a rinawm hle a, Party mipuite pawh kan inlungrual a, lungrual taka hruaitu kan inthlan ngei a beisei awm a ni, a ti bawk.