Rs Nuai 29 chuang zet chinfel a ni leh ta

10 Oct 2026: Vawiin khan District Legal Services Authority, Lunglei buatsaihin Regular Lok Adalat chu District Court Building, Lunglei-ah hman a ni a. Lunglei District chhunga thubuai hrang hrang 28 ngaihtuah a ni. Heng thubuaiah hian leiba inthinna te, Bank Recovery case leh Land Dispute Case te ngaihtuah a ni.

Vawiin Lok Adalat-a thubuai ngaihtuah tur hian Bench pakhat a siam niin, Pi Lalthansiami Hnamte, Civil Judge (Senior Division-II) in kaihruaiin, Pi H. Lalruatfeli, Advocate leh Pu B.Laldinpuia, Advocate te an thu a ni.

Vawiin a thubuai ngaihtuahah hian Bank Recovery Case leh Money Suit tam berin, Rs.29,49,678/- (Cheng Nuai Sawmhnih Pakua Sing Li Sang Kua Zaruk Sawmsarih Pariat) lai chinfel a ni.

Lok Adalat-ah hian thubuai neitute duhdan angin inremna ziahpui ṭhin a ni a. Sum sen ngai lovin, ukil rawih man ngai lova thubuai hi chinfel sak ṭhin a ni.