Pangpar tam zawk thar chhuah theih nan inzirtirna hun buatsaih

22 Jan 2026: Horticulture Department buatsaihin vawiin khan Lunglei District a Pangpar chingtute tan Pangpar chin leh hralh chhuah inzirtirna hun District Horticulture Office Conference Hall-ah buatsaih a ni.

Inzirtirna hun kaihruaitu Pu Lalthakima, District Horticulture Officer Lunglei chuan, hetiang hun buatsaih anih chhan chu thar chhuah leh thawn chhuah lamah nasa zawka hmasawn kan ngaih vang a ni tiin a mamawhtute kan la phuhru zo lo hle a, Lunglei Dist atanga Pangpar tam zawk kan thar chhuah theih nan Agriculture Department Directorate atangin inzirtirna hun hi min buatsaih sak a, Pangpar chingtute pawh kan tan sauh sauh angai a ni, a ti a. He hun hi tangkai taka hmang tur leh Pangpar chingtute pawhin rilru thar nen tan la zel tura a duh thu a sawi.

Vawiina Pangpar chingtute tana zirhona buatsaihah hian Resource Person Dr.H.Vanlaldiki, Dy.Director Horticulture Department chuan, Mizoramah ngei pawh Rel lo lut tawhin enge kan thawn chhuah ve ang tih ngaihtuah angaia, Pangpar hi ram hrang hrangah mamawhna a sang em em a chuti chung chuan thawnchhuah tur kan la nei tlem a tan lak a tul hle a ni a ti. Hmeichhe awm nem tana thawh theih mai anih avangin thahnem ngaihna chang kan hriat a tul a, kan ram dinchhuahna tur atan Pangpar hmanga eizawn hi thil pawimawh tak pakhat a ni a ti.

Dr.H.Vanlaldiki hian Cultivation Practices & Post Harvest Manegement of Cut Flowers leh Pest & Desease Management tih thupui hmangin kalkhawmte zirtirna a pe a, Pi Ida Malsawmzuali, Gen.Secretary ZAGCS chuan Packaging & Marketing of Cut Flower tih thupui hmangin zirtirna pe bawkin zawhna leh chhanna hun hman a ni a,
Dr. Rosangpuii Pachuau ADHO Lunglei in lawmthu sawiin hun a khar a ni.

Vawiina Pangpar chingtute puala inzirtirna hun (Training) buatsaihah hian Lunglei khawpui chhung veng hrang hrang atangin Pangpar chingtute mi 50 chuang an kalkhawm a ni.