25 Sept 2025: Vawiin chhun dar 12:00 khan Er.V.Laldanmawia E.E, PHE, Lunglei Water Supply Maintenance Division chuan a Office Chamber-ah MJA member thenkhatte leh Lunglei District Consumer Association hruaitute kawmin Pathianni-ah tui sem tawh loh an tum tih a sawi.
Er.Danmawia chuan Pathianni a an nau ten tui an sem thin chu an an khawngaih ve thin thu leh inkhawm duh leh Kohhran Programme a tel ve duhte pawh an tel theilo thin a, hei bakah hian mi tam takin Pathinni a tui sem chu thalo an tih thu an sawi nasat bawk si avangin September ni 28, 2025 Pathianni lo awm tur atang chuan tiam chin awm lovin Pathianniah tui sem an tum tawh lo tih a sawi.
Pathianni a tui sem tihtawp chungchangah hian Office lama thawktute leh Section 15 a J.E te nen ngun taka an inrawn hnuah thu tlukna siam an nih thu a sawi a, Kohhran hun pawimawh bikah erawh an mamawh chuan tui hi Pathianni pawh nise pek theih a ni ang a ti. Thal tui harsat hun duh anga tui pump tur a tam loh hunah erawh Pathianni a tui sem loh hi a kalpui theih reng dawn em tih erawh sawi lawk theih a ni lo a ti.
