03 Sept 2024: Taxation Minister Dr Vanlalthlana chuan petrol leh diesel man san a nih chhan chu Mizoram Resource Mobilisation Committee-in ti tura a ngen vang leh state dangah pawh petrol man thar an hman ve mek avanga tih san anih thu a sawi.
Vawiin khan thuthar lakhawmtute a kawmnaah Taxation Minister chuẩn Petrol leh Diesel man tisang tur leh November, 2021-a tihhniam anih hmaa VAT rate hmanga chhiah la leh tura ngenna khauh tak mai Taxation Department-in an dawn chu zahawm an tih bakah kan ruala Petrol leh Diesel man titlemtu, state dangte pawhin an tih to chho leh tawh hlawm tih an hriat avangin rate thar hmang turin ngaihtuahna an seng chho ta tih a sawi.
Petrol leh Diesel a chhiah tihsan tawp ai chuan mipuiten an hriatthiam zawk theih nan tiin Road Infrastructure Cess leh Social Infrastructure Service Cess hmanga tih san chhoh ni se an tih thu a sawi a. Kumin July ni 2-a Council of Ministers meeting in Petrol leh Diesel a VAT lak tihsan rawtna chu a pawm hnuah Dan siam that ngaite pawh siam that chhunzawm a ni a ti. (DD)
