Police-te’n thubuai 8 leh END-te’n thubuai 40 an ziak lut

11 April 2026: Lunglei Police-te chuan March 2026 chhung khan pawi khawihna hrang hrangah thubuai 8 ziak lutin thubuai kaihhnawihah hian mi 8 an man a, Rakzu litre 890.6 tualchhung hralhna rate a Rs 4,45,300/- man hu an man bawk.

Hei bakah hian Lunglei Traffic Police-te’n March 2026  chhung vek khan lirthei khalhtu dan bawhchhiate hnen atanga sum an chawi tir zat chu Rs 2,11,800/- a ni a, dan bawhchhia sum an chawi tirte  hi HMV 48 atangin Rs 93,600, MMV  30 atangin Rs 28,400, LMV – 29 atangin Rs 59,100, Three Wheeler – 10 atangin Rs 14,700, Two Whèeler 9 atangin Rs 16,000 chawi tir an ni. Dan bawhchhia te hi a tam ber chu Document fel lo leh License nei lova lirthei khalhte an nih bakah lirthei dah phal lohna hmuna dahte leh helmet khum phal loh khumte an ni.

Hetihlai hian Excise & Narcotics Department Lungleia thawktute pawhin March 2026 chhung khan MLP Act ’19 hnuaiah thubuai 40 ziak lutin mi 40 an man. Thubuai an ziah luh kaihhnawihah hian Rakzu litre 839.7, Sap Zu um puitling 9 leh um puitling 24, leh Heroin gram 42.16 an man a ni.