Raicheha thihna chungchangah Civil hospital a thawktute an dem

15 March 2026: All NGO Zobawk North chuan thuchhuah siamin, March ni 12, 2026 (6:30 pm) a Pi F Lallawmkimi (31) W/o Pu PC Lalremruata, Zobawk North, Civil Hospital, Lunglei-ah Raicheh-a a boral chungchangah Civil Hospital Lunglei-a thawktute’n Pi F Lallawmkimi; khawlai a nau hring tawh an dawngsawng theilo chu hriatthiam harsa an tih thu an sawi a. Hemi chungchangah hian an lung dam thei lovin, Civil Hospital a thawktute an dem takzet tih an sawi.

He thil thleng a mawhphurtute chungah Action na taka laksak turin Health Minister an ngen thu leh Pi F Lallawmkimi’n a kalsan tak a fate enkawlna tur zangnadawmna pek anih theih nana hma laksak turin Health minister an ngen thu an sawi.

Hetiang a mi rethei leh dinhmun harsa zawkte chunga harsatna thleng
ang hi tun hnuah kan Lunglei Civil Hospital-ah hian thleng nawn tawh lo se an duh thu an sawi bawk.

He an thuchhuah hi Dt.21.03.2026 thleng ngaichangin, hemi hnua hmalakna a awmlo anih chuan nasa zawkin lungawilohna lan tir a ni ang, an ti.