20 Feb 2025: State puitlinga Mizoram hlankai ni, Mizoram Statehood Day vawi 39-na pualin vawiin khan Lammual-ah ram pum huap tawngtaina hun, State Day of Prayer hman a ni.
State Day of Prayer hi nikum State Day a neih a nih hnu ah, a vawi hnihna atan State Day of Prayer Organising committee buaitsaihin vawiin khan neih leh a ni a, thupuiah ‘I ram lo thleng rawh se’ tih hman a n. Kumin hian Fiji challenge tia vuahin ram pum huap sualthu pha chawi tawngtawina neih a ni a, hei bakah hian zaihona bakah Aizawl chhunga kohhran hrang hrang thlan bik zaipawl member 1000 chuang, Zaipawlpui ten hla an rem a, chawhma inkhawmah Chief Minister Upa Lalduhawma’n thu a sawi a ni.
State Day of Prayer hi district hrang hrangah pawh hman a ni a, a hmanna pui ber Aizawlah hian Mizoram Kohhran Hruaitute Committee, Council of Churches in Mizoram, Minister leh MLA te an tel bawk a ni. (DD)
Lunglei-ah chuan Saikuti Hall-ah hman a ni a. 1st session Pu Lalzuithanga, Chairman LMC-in a kaihruai a, Rev Dr R Lalthanmawia’n Thupui a sawi a. 2nd chu Maj K.Vanlalsawmthanga’n kaihruaiin, Rev H Lalhmingmawia’n Thupui a sawi. He hunah hian Tawngtai rualna te neih a ni bawk.
