14 Feb 2024: MNF Party chuan vawiin khan thuchhuah siamin Free Movement Regime ṭhiah a ni chu MNF-in a do tlat thu leh ramri hung tura hmalakna pawh na taka an dodal zel dawn thu an sawi.
MNF Party chuan sorkar laipuiin tunhma atanga tih a tum sawrkar kalta MNF kaihhruaiin a do tlat chu sawrkar thar Mizoramin a neih tak achinah na leh zualin sorkar laipuiin hma a rawn la ta a ni an ti a. Myanmar nena inrinaa zalen taka khawsak theihna Free Movement Regime a siam pawh Manipur Chief Minister duh dan angin a rawn titawp nghal a ni an ti.
Central Sawrkar hmalakna kal mek Free Movement Regime tihtawp a ni chu MNF chuan na takin a do zel dawn tih sawiin, MNF chuan hemi avanga unau Myanmar lam leh Mizoram lama ramri depa cheng mekte harsatna an tawh mek chu a rang thei ang bera sukiang turin Mizoram Sawrkar an ngen thu an sawi a. Ramri hung tura hmalakna kal mek pawh tuna ramri chu barhluih ramri a ni tih pawma, Central Sawrkar hnena titawp tura na taka hma la nghal turin Mizoram Sawrkar a ngen tel bawk.
FMR leh Ramri hung chungchanga NGOCC hmalakna chu MNF chuan a thlawp tlat tih thuchhuahah hian an tarlang bawk a ni. (AIR)
