02 April 2025: Pu Peter Zohmingthanga, Jt.Commissioner Excise & Narcotics Deptt Mizoram chuan Rangvamual leh Phungchawng Zu (Amawii) hi Zu hmanhmawh a ni a, a hlauhawm, Hnar tawk leh Mawngdep nei hman lovin hun rei vak lohah an thihpui mai zel, a ti.
He thu hi vawiin chawhma lama Lunglei Excise & Narcotics Department Annual Inspection a neihnaa a sawi niin Pu Peter Zohmingthanga chuan, a hlauhawm dan chiah hriat anih loh avangin Delhi lamah Laboratory-ah a sample test tir niin tunah hian a result a lo thleng tawh a, reilote-ah mihring tana hlauhawm Chemical enge awm tih puanzar theih a ni ang, a ti.
