Rs vaibelchhe 11.408 man hu zet Methamphetamine man a ni

03 Sept 2026: Serchhip district-a ruihhlo do hna ngawrh taka kalpui mek zel karah, nimin khan Lalpanliana (29) s/o Valhrechina, Falam, Myanmar hnen atangin Methamphetamine kg 14.26, Rs vaibelchhe 11.408 man hu zet man a ni.

September ni 1, 2026 tlai dar 4:30 khan agency dangte hnen atangin East Lungdar bial chhungah Methamphetamine ruihhlo phurh luh a nih rinhleh thu dawn a ni a. 

Serchhip Sub-Divisional Police Officer Pi Lalrinzuali leh Pu Dulal Paul Intelligence Officer NCB kaihhruai Joint Operations Team – Narcotics Control Bureau (NCB), Field Office Aizawl (under Agartala Zonal Unit), DSB Serchhip DEF, leh CID (SB) te chuan rang taka bawhzui nghalin, September 2, 2026 zan dar 11:30 khan Tuichang Lei (bridge) atanga km 5 vela hlaah ruihhlo leh a neitu nia rinhlelh hi an man a ni. 

Ruihhlo hi Brick packet 15 niin, tablet 1,50,000 zet a awm a; NCB chhut danin a hralh sum hlut zawng (market value) hi Rs vaibelchhe 11.408 a tling ni.

He case hi NCB-in a chhui zui dawn a ni. (DIPR)