Skip links

Ruihhlo ngai enkawltute tan Accreditation (Amendment) Rules 2020’ buatsaih

09 May 2025: Vawiin chawhnu dar 1:00 khan Secretariat Conference Hall-2, MINECO ah Mizoram Drug Treatment cum Rehabilitation Centre Accreditation Meeting chu Commissioner & Secretary Pi Lalzarmawii, Social Welfare, Women and Child Development Department, Government of Mizoram, kaihhruaina hnuaiah neih a ni.

Mizoram a ruihhlo ngai enkawltuten rualkhai leh mumal zawka inenkawlna an kalpui theih nan Department lam chuan ‘Mizoram Drug Treatment cum Rehabilitation Centre (TRC) Accreditation (Amendment) Rules 2020’ a buatsaih tawh a, he rules hi sawihova hman theih nghal dan tur ngaihtuah a ni. He Accreditation hian Mizoram pum a huam dawn avangin district tinah ‘Accreditation Inspection Team’ chu a din tawh a, anni hian an huam chhung a de-addiction centre te tlawhkualin an dinhmun an zirchiang hmasa anga, chumi a zir chuan Accreditation ngaihtuah sak an ni dawn a ni.

He meeting-ah hian Sawrkar Department hrang hrang hotute, kohhran hruaitute leh tlawmngai pawl hrang hrang hruaitute an tel a ni. (DIPR)

This website uses cookies to improve your web experience.
Home
Account
Back