Ruihhlo rawn lut venna ‘Special Operation’

31 August 2025: IGP Pu H.Ramthlengliana chuan Asia chhimchhak atanga Myanmar kaltlanga ruihhlo lo lut 10% vel chauh man a nih thu a sawi.

Mizoram Sawrkarin September thla a\anga ruihhlo do beihpui a thlak tur atana Myanmar ramri a ruihhlo tawlhna enfiaha kal te chu  Aizawlah an lokir leh tawh a.  Champhai Dist-a Myanmar ramri-a awm khaw hrang hrang han tlawhtu Police hotute leh Central YMA hruaitute Champhai Sub-Hqrs YMA hruaitute nena an inkawmkhawmna-ah he thu hi sawiin IGP chuan ruihhlo chu nasa zawka do a \ul thu a sawi a.  Champhai chu ruihhlo tawlhna luhkâ lian ber a nih thu sawiin, nikum chhunga ruihhlo thubuai an ziahluh 370 zinga 170 chu Champhai Police ziahluh a nih thu leh kumin January a\anga August ni 10 thlenga thubuai 150 chuang ziahluh zing 50% aia tam chu Champhai Dist-a ziahluh a nih thu a sawi a.  Champhai mipui leh khawtlang hruaitute chu theihtawp chhuahpui turin a sawm a ni.

Mizoram-a ruihhlo lo lut hian khawvel hmun hrang hrang a dêngchhuak tawh tih sawiin, ramri-a venhim hna thawktu Assam Rifles te chu ramri tak taka an duty loh avangin duh duha inkalpawh theih a ni a, hei hian ruihhlo venna kawngah harsatna a siam thu a sawi a.  Pu H.Ramthlengliana chuan ruihhlo lo lut tur venna kawnga khawtlang hruaitute thawhpui-a an tha tichak turin Police 32 tirhchhuah an nih tur thu a sawi.

Central YMA Asst-Secretary Pu Fabian Lalfakawma pawhin thu sawiin, ruihhlo avangin Mizoram chu a la chhe vek lo a, ruihhlo-a inhnamhnawih lo thalai tam tak la awm mahse Mizoram hian chhiat lam a pan zel tih erawh hriat a tul thu a sawi.

Tlawmngai pawl hrang hrang aiawh te’n thu an sawi ve bakah Myanmar atanga ruihhlo rawn lut venna beihpuithlakna ‘Special Operation’ hi September thla atanga December ni 31 thleng kalpui tura ruahmanna siam a ni a, IGP Pu H.Ramthlengliana ho hian Champhai Dist-a ramri hnaih khua te tunkar chhung khan an tlawh kual a, ruihhlo lo lut tur venna kawnga hma lak dan tur khawtlang hruaitute nen an sawi ho thin a ni. (AIR)