Kumin January ni 1 atanga tun thla ni 16 thleng khan Central YMA Kumpuan Sub-Committee leh Central Anti-Drugs Squad (CADS) te chuan ruihhlo Rs Nuai 317 chuang man an man tawh.
Central YMA hotute atanga thudawn danin hemi chhunga ruihhlo chi hrang hrang man hi Rs Nuai 317 sing 4 sang 7 500 man hu a ni a. Ruihhlo kaihhnawihah hian mi 797 an man tawh a, heng mihring an man zinga 68 chu Excise & Narcotics-ah an pe a, Home leh Centre-ah mi 70 an dah lut a, police department-ah mi 5 an pe a, mi 265 counselling an pe tawh bawk.
Central YMA hnuaia ruihhlo man zingah hian heroin (No. 4) hawng 649, Rs Nuai 194 leh sing 7 man hu leh heroin (no. 4) vek, tictac bur 1401 Rs Nuai 25 sing 2 sang 1 zariat man hu a tel a. Heng bakah hian AP, Trama leh adangte mum sing 2 sang 6 chuang, Ganja kg 72, Codein bur 2232, sap zu bur 69, local zu bur 364 leh beer can 54 a tel a ni. (AIR)
