19 Aug 2025: Vawiin khan Pu Vinod Kumar, Chief Engineer (Construction), Northeast Frontier Railways chuan Chief Minister Pu Lalduhoma hnenah Sairang rel station sak hna an thlen tawh chin a sawifiah.
Chief Engineer chuan, Sairang station station-ah hian platform inkalpawh tawnna tur Subway pathum a awm dawn a, Flyover bridge a awm lo thung, a ti. Khualzin lo thleng tharte chu leihnuai platform-atanga chhukin ILP Check Post paltlang zelin an chhuak ang a, bungraw hlanna platform lamah State Taxation hmunhma tur dahna hmun tur siam a ni bawk ang, a ti.
Chief Minister-in Union Railway Minister Pu Ashwini Vaishnaw hnena a lo thlen tawh angin, he station hi World Class station ni tura thuam that chhoh leh tur a ni.
Sairang rel station hi Prime Minister Pu Narendra Modi chuan a rawn hawng tura beisei a ni a, chumi atana inbuatsaihna lam te pawh an sawi nghal a ni. Chief Minister hi Pu TBC Lalvenchhunga, Adviser to CM chuan a tawiawm a ni. (DIPR)
