13 Feb 2024: Sava leh thehlei 100 chuang kaphlumtu mi 3 te chu Forest department thuneituten Tlungvel daiah manin, lung inah khung an ni.
Environment Forest & Climate Change department thuchhuahin a tarlan danin, Inrinni kalta, February ni 10 khan Forest dept thuneitute chuan Tlungvel khaw daiah heng mi 3, Lalchhuanawma, HS Tlangkhuma leh Lalthazuala, Tlungvel khaw mi nia insawite chu sava leh thehlei an kahhlum leh an silai an mansak a, an kut atang hian sava chi hrang hrang 142 leh thehlei 7 manin, Judicial Magistrate hmaa hruai an nih hnuah Central Jail-ah dah luh nghal an ni.
Environment Forest & Climate Change department thuneitute sawi danin, dan ang chuan dan bawhchhetute hi kum 3 thleng lungin tantir emaw Rs 25,000/- thleng chawitir emaw, a pahnih hmang pawha hrem theih an ni a, pawi khawihtute hian nungcha an kah hi Zawngsih hmun ami niin sawi mahse Wildlife Sanctuary chhunga mi ni ngeia an hriat avangin chhui chian anih tur thu an sawi a, ram humhalh chhunga mi anih phei chuan hremna hi a letin a na thei tih an sawi a ni. (DDnewsmizoram)
