31 March 2025: Zote South khuaa Sawhthing chingtute chu an Sawhthing chawh sa an hralh theihloh avangin an mangang hle.
Zote atanga kan thudawnnain a sawi danin, Zote South khuaa Sawhthing chingtute chuan Mizoram Sawrkarin March thla chhunga a lei an beisei vangin Sawhthing hi nasa tak an cho tawh a, tunah hian ram lamah Sawhthing chawh sa tam tham tak an la dah laiin an khaw mualah Bag sang 2 chuang an dahkhawm bawk a, heng an Sawhthing te hi chawlhkar thum chuang an dah tawh avangin a chhia a awm belh zel avangin an mangang hle niin kan palai an hrilh.
Vawiin khan Tripura lam atangin hnamdangin an Sawhthing hi Kg 1 Rs 20-a leisak a tum laiin, Sawhthing hi an lo dah rei deuh tawh bawk nen a chhia a tam tawh si a, hnamdang leisak tumtu pawh hian a lei sak duh ta lo niin thudawnna chuan a sawi.
Sawhthing chawhna hlawhfa man leh ram lam atanga In lama motora phurhna man pawisa ba an neih tam hle bawk avangin an mangang takzet niin an sawi.
