28 June 2024: State Bank of India, Mission Veng Branch-a Branch Manager thin Pu Lalkhomang Guite leh a thurualpui Sacred Heart Society neitu Pu Gary T. Haokip-te chuan vawiin hian eiruk thubuaiah thiam loh chantir an ni.
Pu Lalkhomang Guite leh a thurualpui Pu Gary T.Haokip te hi, Mizoram Rural Development Society, Aizawl Chairman Pu K. Lalremtluangate, Sacred Heart Society a thawk Pi Rosangkimi Ralte leh Upliftment of Backward Women Self Help Group-a Chairman Pi Thantluangi-te November, 2006 leh October, 2007 chhungin Self Help Group hrang hrang hminga loan pekchhuak leh chuta tanga sumpai lo eirua puh an ni.
CBI-te’n an chhui hnuah Pu Lalkhomang Guite leh Pu Gary T. Haokip te hi puh an nihnaah hian an filhlim lo a ni tih finfiah a ni a, Pi Thangtluangi leh Pu K Lalremtluanga-te erawh an thiam lohna an finfiah zo lo a ni. Pi Rosangkimi Ralte erawh hi chu thubuai ngaihtuah a nih laia a boral avangin a thubuai ngaihtuah zui a ni lo thung.
Pu Lalkhomang Guite leh Pu Gary T. Haokip te hi vawiin vek hian Jail-ah dahluh nghal an ni a, hrem an nihna chu July ni 1, 2024-ah puan a ni ang. (DD)
