12 Feb 2025: Lunglei Police hnuaia District Special Branch leh Excise and Narcotics Department-te chuan tukin dar 2:30 khan Lunglei Bazar Veng huam chin-ah Silai leh a mu thahnem tak an man.
Silai an man hi Maruti Alto, MZ01S/3210 hmanga Thenzawl atanga Lunglei panpui niin heng Silai leh a mu phurtu mi pathum Roni Chakma (45) S/o Kali Kumar Chakma Dhalai Tripura, Anirban Chakma (34) S/o Bhadi Chakma, Adubangasora, Lawngtlai Dist leh Ribeng (24) S/o Nagendra Lal, Tipperaghat, Lunglei Dist te chu an man bawk. Silai leh a kaihhnawih an man te hi AK47 – 2, M4 Carbine – 5, Magazine – 20, Live Amns, 7.62mm – 504, Live Amns, 5.56mm – 4675, Pawisafai – 49550, I.D Card, ATM Card, Sim Card leh Mobile Phone -5 te an ni.
Heng an thil man te hi khawi lama pek tur nge khawi atanga lak nge tih chu Police te hian an chhui chiang mek a ni.
