SLT Company-te’n ATL Road-a Mausen leh Tlawng chho an thawk tan

17 Nov 2025: Vawiin khan ZPM Southern Hqrs Lunglei chuan an Party Office-ah chhung inkhawm an hmang a, Pu Lalbiakkima Vice President, Lunglei South Block-I chuan kaihruaiin, Pu Rodingliana Khiangte General Secretary ZPM Southern Hqrs chuan hunserh a hmang.

Chhung inkhawm Political Session hunah hian Pu T.Lalhlimpuia MLA Lunglei West chuan thusawiin, Dampa bial By-Election-ah ZPM-in hnehna kan chang zo ta lo tiin, “Politician veteran chhim chhuak, Zoram Politics-a mi ropuia kan chhal Dr. R.Lalthangliana mi thiam kan thlang chhuak hi thinlung takin kan lawmpui a ni, a ti a, chumi rual chuan kan candidate Pu Vanlalsailova’n hnehna a chang zo ta lo chu Pathianin a chunga rorel dan hi hrethiam se tiin, Pathian hnena intulut chung zela kal turin duhsakna a hlan tih a sawi bawk.

Pu Mahlima MLA chuan, Sorkarin expenditure a sanction hna te thawh tan mek a ni a ti a, Lunglei District bikah pawh Link Road, PCC, Building Construction leh kawng pawimawh kan khawih tan mek zel a ni tiin, Aizawl Lunglei World Bank Road (ATL Road) pawh Lunglei miten an duh ber, SLT Company-te’n Mausen leh Tlawng chho an thawk tan ta. Buarpui – Bunghmun kawng hi siam turin ruahmanna a kal mek bawk a, a thawhkhatna atan Buarpui atang West Bungtlang pelh km 3 thleng atan vbch 10 dah niin, reiloteah tender chhuah a ni dawn bawk, a ti. Kawng siamin a paltlang khua leh mipuite kawng siam laia tuar a ngaih pawhin tuar thei turin lo inbuatsaih ila, thil tha nei turin kan tuar ngaih hun laiah mipui pawh thawhpui turin ka ngen a ni, a ti. PMGSY Road Sazaikawn – Buarpui – Rawpuichhip pawh hmanraw chikimin ‘Inkah Infrastructure company-te’n an inchhawp ta a, a technology an hman hi ‘Full depth reclamation’ anih avangin company-te lo thawhpui a, a bial chhung Sazaikawn – Buarpui phei chu hun rei tak kawng an neih chhiat tawh avanga an tawrhna hre rengin theihtawp lo chhuah pui turin a ngen nghal bawk.

Vawiin chhung inkhawmah hian Lunglei South bialtu MLA bakah Pu C.Lalhmingliana President-te pawh an tel a ni.