20 May 2025: Vawiin khan Environment, Forest and Climate Change department Minister Pu Lalthansanga kaihhruaina hnuaiah State Level Sub-Committee on Green Mizoram chu Chief Wildlife Conference Hall, Khatla-ah ṭhukhawmin, Green Mizoram Day 2025 hmandan tur an rel.
Kumin June ni 11-a hman tur ‘Green Mizoram Day’ thupui atan ‘Plant trees and catch the rain’ (Ruahtui khawl nan thing i phun ang u) tih an thlang a, State pum huapa Green Mizoram Day hawnna inkhawm chu Thenzawl-ah neih a ni ang a, he hunah hian Mizoram CM Pu Lalduhawma chu khuallian atana beisei a ni. Thingṭiak semchhuah leh phun tur zingah Mizoram State Plant ‘Herhse’ chu uar leh zual tura ṭanlak nise tiin an rel.
Kumin Green Mizoram Day pual hian kangmei venhim kawnga tiṭha zual district-te leh ramngaw leh nungcha humhalh kawnga tiṭha zual khua (community) te thlanchhuah an ni ang.
This website uses cookies to improve your web experience.