State University Demand Committee Lunglei leh MJA Lunglei an inkawm

03 Feb 2026: Vawiin chawhnu dar 1:30 khan State University Demand Committee Lunglei hruaitute leh MJA Lunglei-te chuan Lunglei Press Club-ah inkawmhona hun an hmang.

An inkawmhona hi Pu H.Lalthansanga, MJA Lunglei President chuan kaihruaiin, MJA Lunglei chu Lungleia State University dah duhtu ve tho anih avangin engtia hmalak zel tur nge tih sawiho tul an tih vanga Demand Committee hruaitute nena inkawmna hun chu buatsaih an nih thu a sawi a ni.

State University Demand Committee Asst. Secretary K.Lalchhuanawma chuan Demand Committee hmalakna hrang hrang a sawi a. State University Office Building atan Chanmari a Industries Building chu hman lailawk atan remchang nia an hriat thu leh College hmun atan J.Buana College ram Melte a mi pawh remchang tura an ngaih thu bakah, Serkawn atang pawhin mimal ram pe phal an awm thu te report-ah hian a tarlang a ni.

Demand Committee hruaitu dangte pawhin State University atan hian DIET Lunglei bakah Lungleia College pathumte chu Cluster khat atan remchang nia an hriat thu an sawi a, Chief Minister-in a thuin puang tawh mahsela inthlahdah a la thiang lova, hmalak chhunzawm zel a tul thu leh tuna demand Committee a la tel lote pawh kuahkhawm thiam pawimawh an tih thu te an sawi a ni.

State University Demand Committee Lunglei hruaitu hna hi MZP Hqrs Lunglei leh MSU Regional Hqrs Lungleiten an chelh a ni.