03 Sept 2025: Vawiin chhun dar 12:00 khan MJA Dist Hqtrs Lunglei chuan Committee Room, Lunglei Press Club-ah Executive Extended Meeting an nei a, Chhimbial chhantuin State University Lungleiah din anih theih nana pa chan changa theihtawp chhuaha hma la tur leh a hnarkaitu ni tura an ngenna an ngaihtuah.
Pu H.Lalthansanga President chuan meeting kaihruaiin, Lunglei leh chhim lam tan he State University hi kan mamawh leh nakin hun, kan tu leh fa te tan pawh thil tangkai tak tur anih thu te an sawi a, theihtawp chhuaha tangruala ngen nise tiin lungrual takin thu an ti tlu a ni.
MJA-te hian sorkar laka thil ngen leh ngiat, pressure siam vak hi an role a ni lo na chungin Motto-ah ‘Service to the People’ tih nei an nih avangin tun tumah pawh Lunglei leh chhimbial tan thil pawimawh tak anih avangin hmalak a ngai ta niin an sawi.
