Tawipui south-ah lei a tawlh

11 July 2026@5:00pm: Tukin dar 3:00 vel khan Lunglei lam atanga Tawipui South khaw luh tawntirh kawng chhak atangin lei nasa tak a tawlh a, chhungkaw pakhat an inthiar chhuak.

Tawipui South atanga thudawnnain a sawi danin, Pu F.Lalhredika In bul kawng chhak ruamah lei nasa tak tukin zing dar 3:00 vel khan tawlhin, motor kawngpui a hnawh pin vek bakah motor kawngpui an, kawng thlang lama Pu F.Lalhredika In chu lei tawlh hian nasa taka chim telin, an In ban pahnih phei chu a kang a. Hetiang anih avang hian mi tlawmngaite’n an bungruate thiar chhuah puiin hmun him lamah an insawn a ni.

Lei tawlhin kawng a hnawh pin hi vawiin chawhnu dar 2:30 vel khan thenfai ni mahse, tun dinhmunah ping leh tawhin a tlang hun tur a sawi theih loh.
Lirthei thahnem tak an tangkhang mek a ni.