Theiriat a NHIDCL kawng laih avanga ping thin helna tura kawng laih thar chu Blacktopping turin hna tan

19 June 2026: Theiriat a NHIDCL kawng laih avanga ping (block) thin helna turin, a chunga PWD kawng laih thar mek chu vawiin atangin Blacktopping turin PWD chuan hna an thawk tan.

Thudawn danin, PWD Minister Pu Vanlalhlana’n Rs Nuai 31 estimate siamtirin, hemi hmang hian hna hi an tan nia thudawn a ni.

Theiriata NHIDCL kawng laih, nikum 2025 atanga min thin hian a chunga PWD kawng awmsa chu a ti chhe vek a ni.

Hetih lai hian NH kawng laihnaa min thin chu siamthat anih loh avangin kumin fur lo thawk lehah hian min chhunzawm lehin a helna a awm lo a ni.

PWD leh Theiriat khawtlangin School ram paltlangin kawng thar an lai a. Ruahsurah a diak kawi lutuk avangin zawh theih a ni lo.

An veng mipui harsatna chu sukiang turin, YMA Theiriat Branch chuan kawng laih thar hi an pawisa neih ang anga PCC tumin, naktuk hian hnatlang an ko. Vawiin atangin PWD ten blacktopping turin hna hi an tan ta bawk a ni.