05 June 2025: Lunglei District Cooperative Union Ltd chuan vawiin khan Annual General Assembly Vawi 28-na Sub Hqrs YMA Conference Hall Lungleiah an hmanga thupui atan “Cooperative te hian khawvel chhenfakawm zawkah an siam” tih hman a ni.
He hun hmanpuitu khuallian Pu V.Malsawmtluanga MLA, Vice Chairman HPC chuan, Mizoramah Society a tam dan ngaihtuahin kan intodelh lo hle a, a chhan ber chu therhlo duh vanga Society din; a taka thawk si lo an tam vang a ni a, Society thawk tak tak peih tan chuan Sawrkar a inhawng reng a ni, a ti. Cooperative Society tha tak ni tur chuan dan leh hrai hriat chian angai ti bawkin, Society ngialnghet kal zel tur chuan tharchhuah lamah tan kan lak angai hle a ni, a ti.
He hunah hian HPC Vice Chairman chuan Nghahsih Zau lama Electric Supply tih changtlun nan HPC atangin Rs Nuai 8 dah a ni tiin, LDCU Office tih changtlun nan HPC atang vekin Rs Nuai 5 pek anih dawn thu leh LDCU hruaitute ngenna angin Apex Bank-ah Account hawn ve nghal a tum thu a sawi bawk.
Lunglei Dist Cooperative Union Ltd hi kum 1996 khan din niin tunah thawktu Office Staff mi 5 leh Board of Director mi 11 an awm mek a ni.
